اول شي بتقطفي الورد و بتنقعيه شوي بمي عادية
لانو فيه رمل بكون او غبرة
بترشيلو كاسة سكر
و نص معلقة صغيرة ملح الليمون
و بتفركيه منيح لتطلع ميتو للورد
و اتركيه بالطشت ساعتين و هو مفروك بالسكر و ملح الليمون
بعدين بنعصره منيح على طشت شي انه نجمع ميتو بالطشت
و كل كيلو ورد بعد الفرك بتحطلو كيليين و نص سكر
بعدين بتغلي السكر ليقطر و يعقد
ونفرد الورد و نطبه فوق القطر
و تخليه يغلي شي 3 ساعات أوقات بياخد اكتر
و كل ما نقص السكر بتزيد عليه سكر
و قبل ما تطفي تحتو بنص ساعة
المي اللي صفت من الورد بعد الفرك بتحطلو اياها و تخليه نص ساعة يغلي فيها و بعدين تطفي تحتو
و بتحطي مع مية الورد ملون طعام احمر او قرمز شغلة معلقة صغيرة
مشان ما يطلع باهت
و بس يبرد تحطيه بقطرميز
وصحتين وهنا
ليست هناك تعليقات:
إرسال تعليق