البرازق
المقادير :
٣كوب طحين وكوب ونص سمنة حيواني و كوبين سمسم محمص وملعقتين طعام قطر (شيرة )خفيف وملعقتين طعام سكر ونص كوب ماء بارد ملعقة محلب صغيرة هي حسب الرغبة وفستق حلبي كمان حسب الرغبة
التحضير :
بنحط الطحين والسمنة مع بعض وبنفركهم بالايد وبنصير نلم العجينة على بعضها حتى تتماسك وبنغطيها وبنتركها ساعة ترتاح بالبراد
بعد ساعة بنذوب السكر بالماء وبنضيفهم فوق العجينة بتصير طرية كتير بس ما بيأثر بنرجع بنغطيها بنرجعها عالبراد كمان ساعة ترتاح
بنحط السمسم بصحن غميق وبنحط فوقه ملعقة طعام سكر وملعقتين القطر (الشيرة)وبنصير نفرفطهم مع بعض للسمسم وبنرشهم برشة ماء خفيفة بنطلع العجينة وبنحط ورق زبدة للصينية وبنشكل دوائر العجينة وبنغطها بالسمسم وبنصفهم بالصينية وبنحطهم بالفرن درجة حرارة ١٨٠وبس يزهرو بنطلعهم وبنتركهم بالصينية حتى يبردو
وصحتين وهنا
ليست هناك تعليقات:
إرسال تعليق