كيكة الكوسا ( علا )

كيكة الكوسا                                          2ونصف كاس طحين . نصف كاس كاكاو . ملعقة كربونات صغيرة . نصف ملعقة ب ب . رشة ملح                          بالخلاط كاستين لب كوسا . 4 بيضات . نصف كاس زيت . 100 غم زبدة . 2 كاس سكر                             نخلطهم مع بعض وعالفرن على حرارة 180

موس الشوكولا 

معمول ( ميساء )

كيكة الموز ( بشرى )

 4موزات هرسين بالشوكة ليصيرو كريمي ثم ربع كاسة زيت نباتي و خلطين بالشوكة ثم بيضة وملعقة فانيليا وخلطي  ثم  نص كاسة سكر وخلطي ثم كاسة ونص  طحين مع 2ملعقة ب ب وخلطي منيح حطين بطبق الفرن المدهون  بلحسةسمنة وطحين بدو نص ساعة فقط                        

 ويلي غ  الوش ظرف كريمة شانتيه  فيكي تحطي لبدك ياها صوص شوكولاتة او اي طريقة كريمة تانية                        

 وصحة وهنا

كب كيك لمرضى السكر ( بشرى )

ماربل كيك ( دانية )

المقادير ..

 كاستين بسكويت مطحون .. ٣حبات ييض .. نص كاسة سكر .. نص قالب زبدة .. تلت رباع كاسة حليب سائل .. ملعقتين صغار بيكينج باودر وفانيليا .. 

مقادير الكريمة ..

علبة قشطة واربع حبات جبنة كيري او اي نوع و فنجان  سكر وفنجان حليب بودرة و اذا حسيتيها سايحة بتضيفيلا حليب بودرة اكتر .. والشوكولا نفسها بس ضفتلا كاكاو وملعقة نسكافيه صغيرة

موس الشوكولا ( علا *

عالنار كاسة ونص حليب مع ظرفين كريم كراميل بس يغلو بتحطين بالخلاط مع 15 بسكوتة وعلبة قشطة ومعلقتين كاكاو زمعلقة نسكافيه وبتصبين فوق الكيك وهو بالقالب

تشيز كيك ( غفران )

بطحن علية دايجستف مع اصبع زبدة او ربع قالب زبدة ...وبوزعم بالكاسات وبحطها بالفريزر شي نص ساعة ...والكريمة .ظرفين دريم ويب ونص كاسة حليب مع علبة قشطة و6كيري ووبدوب ملعقتين جيلي فريز بنص فنجان مي سخنة وبخلطهم سوا وبوزعهم فوق البسكويت وبحطهم بالبراد اقل شي ساعتين وبحط عل الوجه بلوبيري🍇وصحة وهنا

فدج شوكولا

فدج الشوكولا .. ٣٥٠ غرام شوكولا غامقة مقطعة .. ١٥٠ غرام حليب مكثف محلى ..٥٠ غرام زبدة .. ومكسرات حسب الرغبة ...  مندوب الحليب المكثف عالنار مع الزبدة واخر شي منحط الشوكولا وتقليبة وحدة ومنشيلها ومنضل نحرك لتدوب تماما .. منحط المكسرات ومنفردها ببيايركس مغلف بالنايلون وعالبراد لتبرد تماما ومنقطعها ..  ضيافة طيبة كتير

سوكسيه ( علياء )

سوكسيه

٩جالكسي سادة 

علبة قشطة

علبة صغيرة حليب مكثف محلى

نضعهم في حمام مائي ( أو بالمايكرويف على برنامج إذابة الثلج)

٣ باكيتات بسكوت سادة نكسرهم قليلا

نخلطهم مع الشوكولاتة

نضعهم في قالب سليكون (ليّن) مستطيل

أو بكيس نايلون(سميك) و نلفه على شكل رول

و يوضع بالفريزر لمدة ساعة على الأقل

ملاحظات:

*بعض الناس تستخدم القصدير لعمل الرول و لكنه يلتصق بالشوكولاته

* يوضع بالفريزر فورا إلى وقت التقديم حتى يظل البسكوت مقرمش، وحتى إذا زادت الكمية عن الحاجة يتم إرجاع الباقي إلى الفريزر

* يمكن إضافة بعض المكسرات المجروشة إلى البسكوت حسب الرغبة

* يمكن تقليل البسكوت أو الإكثار منه حسب الرغبة

وصحة وهنا

كيك الأناناس ( أم محمد )

كاتو الاناناس 🎂

٧ بيضات 

 كاستين وربع طحين 

كاسة ونص سكر

 برشة ليمون 

ملعقة صغيرة فانيلا

ملعقتين صغار بكمبودر

نص كاسة زيت

وانا بحط كمان علبة صغيرة قشطة بوك 

منخفقهن كلهن مع بعض

وبالقالب الكاتو مندوب سبع معالق سكر بس ليصيرو كراميل منحط فوقهن تلت قالب زبدة ذائبة طبعاً 

بعدين الاناناس 

وبعدين الخليط 

وعالفرن

وصحة وهنا

طريقة أخرى : بس بدهن الآلب بالزبدة وبرش سكر أسمر كفايه لغطيه بعدين بصف الأنناس مدور وحده بالنص وحوليها الأنناس منبره بعدين بحط كرزه( تبع الزينه) بنص كل أنناسه وبيناتهن بعدين بحط فؤهن خلطة كيك سفنجي عادي وبس يخلص كمان بسأي بعصير الأنناس

ايس كريم بوظة ( بشرى )

2ظرف كريما ععيارن من الحليب خفقين بعدين ضيفي 6 قطع من جبن كيري او مثلثات المتوافر كلو نفس النتيجة وخفقين ثم علية قشطة ثم نص علبة   حليب مكيف  كبيرة ثم ظرف دريم ويب لو حبيتي حطي قطع فواكه او شوكولاته او حتة مقومات طعام و غلفي البايركس بالنايلون  من جميع الاطراف ومديه لبرا لتتغطى البوظةفيو و خليها نهار وليلة بتطلع تمام

الكيكة القطنية مع صوص الشوكولا

بلح الشام ( دانية )

بلح الشام 

ثلاث كاسات طحين

كاستين سميد

نصف كاسة (زبدة أو سمنة )

ملعقة صغيرة خميرة فورية

كاسة ونص ماء

نخلطهم ونغطيهم ونتركهم ساعة

بعدها نحضر مصفاة بلاستيك متوسطة الثقوب ناخذ جزء من العجين بحجم الجوزة نشكلها على شكل أصابع نقليها بزيت وفير  

ومن ثم نضعهم  في القطر ثم نخرجها ونقدمها

وألفين صحتين

كيك مع الشوكولا ( سمية )

 200 جرام زبدة (شفت الزبدة كتيرة وطعمتها ظاهرة ، بس لما بردت تاني يوم طلعت كتير لزيزة)

بنحطها بخلاط الكيك وبنحط معها نص كاسة سكر بني وبنخلطهم لحتى يتجانسوا

بنضيف م.ص فانيليا وبيضتين وبنخلطهم ليتجانسوا

بنحط بزبدية كاستين ونص طحين و ملعقة كبيرة بكنج بودر وملعقة صغيرة كربونات الصودا ورشة ملح وبنحركهم سوا وبعدين بنضيفهم شوي شوي عالخليط السابق

رح يسمك معك الخليط وما عاد تقدري تكملي بالخلاط ، كملي تحريك بالملعقة ، حيصير الخليط سميك اشبه بالعجينة ، بعدما تخلطيه كله حطي حبات الهيرشي ووزعيها عليها وصبيه بقالب التارت

انا حطيته بصينية عادية وحطيت تحته قصدير مشان يسهل تطليعه

حمي الفرن شوي وبعدين حطي الصينية على حرارة 180 مدة عشر دقايق الى ربع ساعة

بتشوفي الاطراف صارت زهري وتماسك من الوسط

بعدين بتعملي الشوكلاته اللي بالوسط ، ممكن نوتيلا خففيها بالحليب

او :

حطي بالخلاط ربع كاسة حليب بارد مع ظرفين دريم ويب واخلطيها لتصير سميكة

ضيفي ظرف كراميل وعلبة قشطة وكاكاو                        

 الفرن بتشغليه من تحت بس

كيك السنيبون ( دانية )

كيك القرع السكري ( بشرى )

كيك القرع السكري 3بيض  مع ملعقة فانيليا و برش برتقالة ثم نضيف كاسة سكر ثم نص كاسة زيت نباتي -كاسة قرع نكون قشرناه وسلقناه  وخلطناه يصبح/كالمعجون / حوالي 4اصابع مع القرع ثم نضيف كاستين طحين مع ملعقة  بيكمبودر        *في  الوصفة السكر كاسة ونص بس انا حطيت كاسة لانو القرع لعندي حلو لاقيت كافي كاسة  وكل مين حسب محبتو للحلو- نضعه في قالب  الفرن بحتاج 45دقيقة .. الصوص: بسبط انا حطيت 3ملاعق حليب مكثف مع جوز زينة للوجه ولك حرية  اختيار الصوص ♡

كاسترد بالجلو ( طوبى )

كسترد بالجيلو والفريز 

الطريقة

طبقة بسكوت طبقة كيترد بالحليب طبقة كسترد شوكولا بتعملي طبقات وبين كل وحدة و وحدة طبقة بسكويت وبتحطيها شوي بالبراد لبين ماتبرد بعدين الطبقة التانية وآخر طبقة بتصفي فريز وفوفها الجيلو وعالبراد وصحتين وهنا

أبل باي ( نور )

Apple pie 🍎 😋

بقطع تفاح قطع صغيرة وبخلطهون مع ليمون وقرفة وسكر وزبيب وبحط بكل مربع باف باستري شوي وبسكرهون بهالشكل وبعدين بحطهون بالفرن  

وبس يستو بطلعهون وبرش عليهون سكر ناعم😋

وبسكبهون سخنين وجنبون ايس كريم برش عليها قرفة وزبيب وصحة وهنا ❤😍

بنوفي باي ( أمل )

🍌🍯 البنوفي 🍯🍌

الطبقة الأولى:

150 غم بسكوت دايجستف مطحون

150 غم جوز ( اختياري)

75 غم زبدة ذايبة

نطحن البسكوت مع الجوز ثم نخلطهم مع الزبدة المذابة.. و نرصهم في القالب

👈🏼 ملاحظتي:

الجوز المستخدم في هذه الوصفة هو جوز البقان و هو مختلف عن الجوز تبعنا

غير متوفر عندي لذلك حطيت جوز عادي..تقريبا 12 قلب جوز طحنتهم مع البسكوت

رأيي الشخصي بلاه أطيب

الطبقة الثانية:

على نار هادية نضع

100 غم زبدة

100 غم سكر

و نخلط جيدا حتى يذوب السكر

ثم نضيف 400 غم حليب مكثف محلى (علبة كبيرة) مع استمرار التحريك حتى تتشكل صلصة التوفي

نخليها تبرد شوي

لبين ما نقطع 3حبات كبار موز شرائح

نضيف الموز للتوفي و نقلب ثم نضعه فوق طبقة البسكوت

و عالبراد لمدة نصف ساعة

👈🏼 ملاحظتي التانية:

وجود الزبدة مع السكر خلا السكر يختفي و ما يبين معي مزبوط متى ذاب

الزبدة عم تغلي و خايفة تحترق و تنتزع الطعمة

لذلك اول ما حسيت السكر داب شوي و بدأ اللون يصير بني شوي

ضفت حليب مكثف محلى

طيبة...بس اللون فاتح و نكهة الكراميل مو قوية

اتوقع مرة تانية رح الغي موضوع الزبدة

الطبقة الثالثة:

علبة كريمة خفق 250مل

تخفق جيدا و توضع على الوجه

يزين بالجوز او الهرشي ورشات من كاكاو بودرة

👈🏼ممكن استبدال كريمة الخفق بالدريم ويب لكن لاحظي ان الدريم ويب حلوة و كريمة الخفق معتدلة 

أنا حسيت بكفي الحلاوة من التوفي و الموز..لذلك استعملت كريمة الخفق

       و الف صحة و عافية🌷

تشيز كيك جديد ( نور )

طريقة التشيز كيك 

بالكيك

أول شي عملت كيك الزبدة بنفس قياس صيصنية التشيز كيك

طريقة عمل كيكة الزبدة من فجر

 المقادير :

١٢٥غرام زبدة 

كوب سكر بودرة 

٣بيضات 

كوب حليب 

كوبين طحين 

٣ ملاعق صغيرة باكينج باودر 

رشة فانيليا 

الطريقة : 

- يخفق السكر مع الزبدة حتى يصير قوامه كريمي . 

- يضاف البيض و الفانيليا . 

- يخلط الطحين مع الباكينج باودر . 

- يضاف خليط الدقيق و الحليب بالتبادل حتى تنتهي الكمية.. 

- يدهن القالب بالزبدة و الطحين و يوضع فيه الخليط السابق ... و يخبز بفرن سبق احماؤه ، حوالي ٤٠-٤٥ دقيقة ... 

بعدين وصفة التشيز كيك 

تشيز كيك

الطبقة الأولى:

‎300 غرام بسكوت مطحون 

‎100 غرام زبدة مذابة

الطبقة الثانية:

شريحة من كيك الزبدة 

الطبقة الثالثة:

ظرفين دريم ويب

‎1 كوب حليب بارد

‎24 حبة كيري بدرجة حرارة الغرف

‎2 ملعقة طعام لبن زبادي

‎1/2 كوب ماء حار مذاب فيه ظرف جيلاتين بودرة 

‎3 ملعقة طعام سكر

الطبقة الرابعة:

توت أزرق ( أو أي حشوة تفضلين ).

الطريقة:

يعجن البسكوت المطحون مع الزبدة المذابة وتوضع في قاع قالب التشيز كيك.. توضع في البراد أثناء الوقت الذي يتم فيه تحضير الطبقة الثانية والثالثة.

يخلط الدريم ويب مع الحليب حتى يصبح لها قوام الكريمة ثم تضاف حبات الكيري مع اللبن الزبادي.. ثم يوضع الجيلاتين المذاب في الماء ( ننتظره حتى يصبح فاتر) ثم نضعه مع الخليط.

تضاف طبقة بسيطة من الكريمة .. ثم كيك الزبدة .. ثم بقية الكريمة وتوضع في الثلاجة ٣-٤ ساعات ...

قبل التقديم بنصف ساعة توضع الطبقة الرابعة..

صحة وهنا

هريسة بالقشطة ( تسنيم )

هريسة بالقشطة :

كاستين سميد ، كاستين حليب بودرة

كاسة : سكر ، زيت ، ماء 

2 ملعقة بكمباودر 

ماء الزهر حسب الرغبة .

القشطة : 

3 كاسات حليب 

كاسة سكر 

2 ملعقة طحين 

2 ملعقة نشاء

ماء الزهر .

 تخلطيهم وبالغلي على النار 

بعدين طبقة هريسة وطبقة قشطة وطبقة هريسة وعلى الفرن نص ساعة

بسكويت بالايس كريم ( سلام )

باكيت بسكوت يفضل دايجستف اما بتحطيه بقالب انجلش كيك او بتصفيه بشكل رول وبين كل حبة بسكوت معلقة بوظة وممكن تكون البوظة الوان ومتل الصورة ادهني الرول بكريمة بيضا او الوان او موس وزيني حسب الرغبة وصحة وهنا

عملت هي الطريقة متل الكيك رول وحشيتها آيس كريم وغلفتها طبقة شوكلا موس وبرش شوكلا مرتبة وسريعة وماصورتها للاسف ..بس لزيزة كتير

بتصفيه مو عامودي                        

بقالب انجلش كيك جنب بعض الحبات

مربى الفريز ( غفران )

بغسل الفريز وبنضفوا من الورق وبقطع الفريزة يلي حجمها كبيز بالنص والصغيرة والوسط بخليها متل ماهية بحب الفريز يكون قطعوا ظاهرة 

وبتركوا ينشف منيح بالمصافي 

وبحط عيار سكر عيارين فريز 

(زبدية كبيرة سكر زبديتين فريز )

وبحطهم بالطنجرة وعل البراد من الصبح للمسا بشان تشر ميتهم 

وتاني يوم بحطهم ع الغاز ليغلي وتطلع الرغوة تبعو بقيمها وبخليه يغلي شي دقيقتين تلاتة لنتاكد انو السكر كلو دايب 

وبحط قدر نص ملعقة حمض الليمون وبيغلي دقيقة وبطفي تحتو 

وبحطو بصينية على هالبرندة بالشمسات شي تاربع ايام ليسمك ويصير جامد

وصحة والف هنا

طريقة أخرى 

في مرة  حطولوا جيلو فريز ليجمد بس لازم تقيمي من القطر وقت بيغلي وتضيفي شي ظرفين جيلو

طريقة أخرى  مربى الفراولة  كل كيلو فراولة 800غرام سكر منتركوليلة كاملة لتشر مية الفراولة برى البراد تركتو و تاني يوم ' ع النار أو مايغلو عصرة ليمونة  ومنشيل الفراولة ومنترك السكر ليتعقد ومنرد منزلو اخر شي  اظن هي بديلة عن مشروع الاسطوح و طلع ' ممتاز

زينة كيك ( هادية )

كيك أبيض عادي 

كيك شوكولا 

كريمة دريم ويب 

فريز 

كريمة شوكولا

كيك السويسرول ( بشرى )

السويسرول : 4بيض نفصل البياض عن الصفار ثم نخفق البياض حتى يتضاعف حجمه في وعاء ثاني نخفق الصفار مع نص ملعقة فانيليا و نص كاسة سكر ثم نضيف نص كاسة طحين منخول  وملعقة بيكمبودر /يمكن وضع ربع كاسة كاكاو وربع كاسة طحين بدل نص كأس الطحين / ثم يخفق و نضيف بالتدريج البياض الحفاظ عل  الهواء ثم نمده في  صينيه مستطيلة عليها ورق الزبدة وللفرن ربع ساعة فقط اول ما يطلع نضع على الوجه المكشوف ورقة زبدة  و نقلبه ونسحب ورق الزبدة من الطرف الثاني وثم نعيدعاونلفه ونتركه ليبرد ثم نفرده وندهنه باي حشوة نريد ومنرد منلفو ومنتركو ليبرد ويقطع ويقدم $الحشوة' ممكن  انواع المربايات -او شوكولاتة نوتيلا او كريمة -او كريمة الشوكولاته وهي عبارة عن كاسة كريمة الخفق ع النار اول تسخن نطفي تحتا و منضيف شوكولات  هيرشيز ومنمدها

انا بتركو شوي لما بيطلع من الفرن بمد على الطرف المكشوف ورق زبدة و  بسحي ورقة الزبدة من الطرف أمام بالفرن من تحت وبرد بحطا هيك ماعد بيلزق .. و بلفو وبخليه يكمل ليبرد بعدين بفردو وبخليه بس طرف النحتاني ورق زبدة وبحشيه و بلفو مابيفتفت

كيك الجزر والقرفة ( ريم )

11/2 كوب سكر

2 طحين 

3 بيض كبااار 

فانيليا 

BB ملعقة 

زبدة. (حسب المتوفر) 

شوية سوائل لتركيز الجمادة (زيت او حليب او ماء )

2 م كبار قرفة (انا بحب القرفة )

جزرة كبيرة

ممكن يضاف على الوجه جزر مبروش ... زبيب وجوز 

صحة وهنا