ليزي كيك ( ضحى )

ليزي كيك 

١٠٠غ زبدة ١٠٠غ شوكولا بيضاء ربع فنجان حليب سائل ١٥٠غ  حليب مكثف محلى ملعقتين نسكافيه علبة بسكويت سادة 

نكسر البسكويت بوعاء عميق وعالغاز نذوب الزبدة والشوكولا وربع كوب الحليب ونرفعهم عن الغاز جانباً ونضيف الحليب المكثف والنسكافيه ونحرك جيداً ونخلطهم مع البسكويت ونضعهم على نايلون ونلفهم رول وعالفريزة حتى تجمد تقريباً ساعتين أو أكثر حسب التبريد وتقطع وتقدم باردة و الزينة حسب الرغبة

سكسيكة ( ضحى )

سكسيكه 

١٠٠غ زبدة ١٠٠غ شوكولا بيضاء ربع فنجان حليب سائل ١٥٠غ  حليب مكثف محلى ملعقتين نسكافيه علبة بسكويت سادة 

نكسر البسكويت بوعاء عميق وعالغاز نذوب الزبدة والشوكولا وربع كوب الحليب ونرفعهم عن الغاز جانباً ونضيف الحليب المكثف والنسكافيه ونحرك جيداً ونخلطهم مع البسكويت ونضعهم على نايلون ونلفهم رول وعالفريزة حتى تجمد تقريباً ساعتين أو أكثر حسب التبريد وتقطع وتقدم باردة و الزينة حسب الرغبة

حلا نسكافية ( ضحى )

حلا النسكافيه

 علبة كريمة بتخفقيهابضيفيلها  علبة حليب مكثف وعلبة قشطة وبيصير عندك خليط بتجيبي ٤ملاعق نسكافيه وبتذوبيهم بالماء البارد وبتغمسي البسكويت بالنسكافيه وبتصفيهم بالبيركس طبقتين فوق بعض 

والخليط بتقسميه بالنص الأول بتسكبيه فوق البسكويت والثاني بضيفي عليه أربع ملاعق صغار نسكافيه وبتمزجي الخليط منيح وبترجعي بتغمسي بسكويت بالماء والنسكافيه وبتصفي طبقتين فوق بعض وبتسكبي الخليط الثاني  فوقهم وبتتركيهم كم ساعة بالبراد بيتماسكو على بعضهم وبعدين بتزيني حسب الرغبة أنا حطيت  صوص كراميل وصوص شوكولا   

وصحتين وهنا

كوكيز ( نور )

كوكيز

١٠٠ غرام زبدة بدرجة حرارة الغرفة

ربع كوب سكر بني

نصف كوب سكر ابيض

بيضة

ملعقة صغيرة فانيلا

كوب ونصف طحين

ربع ملعقة صغيرة ملح

نصف ملعقة صغيرة بيكنج باودر

نصف ملعقة صغيرة بيكربونات الصوديوم

نصف كوب شوكولا قطع

تخلط الزبدة مع البيض والسكر (نوعين) والفانيلا ثم تصفى المكونات الجافة وتوضع مع الخليط 

ثم توضع الشوكولا وتخلط يدوياً  

ثم تُشكّل وتوضع في الفرن ٧دقائق من الاعلى والاسفل معاً

حلا الكسترد ( ضحى )

حلا الكاسترد والشوكولا 🍫 نغمس بسكويت سادة بالحليب السائل ونصفهم بالبيركس طبقتين نضع بالطنجرة ٤أكواب حليب و٤ملاعق طعام كاسترد ونحركهم جيداًحتى يذوب الكاسترد ثم نضعهم عالنار وبس يصير الخليط كثيف نضع طبقة فوق البسكويت والقسم الثاني نرجعو على النار ونضع ٤ملاعق طعام كاكاو وسكر حسب الرغبة ونغمس بسكويت بالحليب ونضع طبقتين فوق الكاسترد ونضع خليط الشوكولا فوق البسكويت  ونتركه حتى يبرد ثم نضعه بالبراد والتزين حسب الرغبة زينت ب جوز الهند والفستق وصحة وهنا

كوكيز بخليط بيتي كروكرز ( نور )

مع ١٠٠ غرام زبدة

وبيضتين

و١ م ص فانيليا 

وحبيبات شوكولا

نضعها قبل الخبز بالثلاجة لمدة نصف ساعة 

بالوظة ( ضحى )

البالوظة 🍊

ليتر ونصف حليب ٧ملاعق طعام  نشاء و٧ سكر وملعقة فانيليا صغيرة وبنحركهم عالبارد وبنضعهم عالغاز وبنحرك ليغلو بنضيف ملعقة صغيرة مستكة وملعقة صغيرة ماء الورد أو ماء الزهر حسب الرغبة وبسكبهم بأكواب التقديم وبنضع ٣أكواب عصير برتقال مصفى من الحبيبات ونضع ٣ملاعق طعام نشاء وسكر حسب الرغبة لازم يكون الحلو ظاهر لأن المهلبية قليلة حلو وبنحركهم عالبارد وبنضعهم عالغاز وبنحرك حتى يغلو وبنسكبهم فوق المهلبية وبنتركهم يبردو بحرارة المطبخ وبعدين عالبراد أربع ساعات وصحتين وهنا

سحلب ( خديجة )

الطريقة

 بتغلي الحليب وبتنزلي السحلب عليه بكون هو بودرة متل الكاستر ولازم يتحرك مزبوط مشان ما يعلق ويشيط وبحط معلقة نشا 

أما عن السحلب فيه منه أنواع من تركيا كتير طيب وفي هون ظروف أو كرتون أو سطل بلاستك صغير وبالعافية. 😋👌🏻

بتزينيه بالمكسرات وعلى الاغلب جوز

تيراميسو بالفراولة ( ضحى )

تيراميسو بنكهة الفراولة🍓🍓 كريمة شانتيه ١٥٠غ بسكويت السافوريا صوص فراولة علبة جيليه فراولة  الطريقة :  نذوب الجيليه بكوب ماء ساخن ونتركه يبرد بحرارة المطبخ نحضر الكريمة نضع نص كوب حليب  والكريمة البودرة ونخفقها حتى تتكاثف تصبح جاهزة نضع صوص الفراولة حسب الرغبة بالنسبة للون  نغمس البسكويت بالجيليه ونصفو ونضع الكريمة فوقه حتى تخلص الكمية ونضعها بالبراد اربع ساعات وصحتين وهنا  والتزيين  حسب الرغبة

كب كيك الشوكولا ( بشرى )

  

كب كيك  بالشوكولاته 2بيض - ملعقه فانيليا تلت -رباع كاسه سكر نص كاسه -زيت نباتي نص كاسه حليب -ملعقه بيكمبودر- كاسه طحين -ملعقتين كبار كاكاو- بتعمل 12 كب كيك بتاخد بالفرن ربع ساعه ع حراره 170ْ

وصفات لفتات الكيك ( مشكل )

الوصفة الاولى 

١ كيك 

٢ جيلي 

٣ كريم كراميل 

٤ قشطة 

٥ فستق

بتحطي الكيك وبتحطي عليه علبة جلي، الجلي حيكون سائل بنسقي فيه الكيك

يعني مو طبقة منفصلة

الكريم كراميل بتعمليه عادي بالحليب بتصبيه على الوجه 

و بتحطيه بالبراد ليبرد بتحطي  وبس يبرد بتحطي عالوجه قشطة وبتحطيها بالبراد تبرد ورشي فستق

الوصفة الثانية 

كيك الكرات بضيفي قشطة وحليب ودعبلي ولكيها بالفستق ولكيون بجوز الهند او لكيون بالفرمسية الملون او شكولا

الوصفة الثالثة 

كيكة الشاموا 

كيك مفتت وبنحط عليه شوية حليب بنسقي شوي

وبنرصوا بالبايركس 

الطبقة التاني ظرف كريم كارميل وكاس ونص حليب على النار

في وعاء آخر نص علبة بسكويت شاي عادي وعلبة قشطة وملعقتين بودرة الكاكاو مع شوية نسكافيه وبنخفق المكونات بعدين ضيفي الكارميل الساخن فوقهم مع الخفق وصبيه فوق الكيك المرصوص 

لا تحريكيه شي عشر دقائق بيجمد بسرعة

بعدين حطيه بالبراد

وصحة وهنا

كتييير طيب 

انا بعمل كيك عادي ومابشيلوا وبحط عليه هاي الطبقة بطلع روعة

هريسة ( أم عبد الله )

كاسة سميد

كاسة سكر

كاسة زيت مازولا

كاسة جوز الهند

نص كاسة طحين 

٣ بيضات 

معلقة فانيليا 

معلقة بيكنج باودر

علبة لبن زبادي 

وصحتين وهنا 🌹

حلا الدخن ( تسنيم )

كيكة الشوكولا بالموس ( بشرى )

كيكه الشوكولاته بالموس اللذيذ كيكه الشوكولاته : 2بيض -ملعقه فانيليا -تلت رباع كاس سكر- نص كاس زيت -نص كاس حليب سائل ملعقه بيكمبودر -كاسه طحين ملعقتين كبار كاكاو -بصحن بايركس مدهون بالزيت مع رشه من الطحين  ع الفرن ربع ساعه ع حراره 180ْ لتبرد منحضر الموس و هوي عباره عن كاسه و نص كبار حليب سائل -و ظرفين كريم كراميل -اول ما بثخن منحطو بالخلاط مع -ملعقه كبيره نسكافيه ملعقه كبيره لوتس -اختياري -بس بتعطي طعمه حلوه -و باكيت بسكوت ساده. -و عليه قشطه بالخلاط و منصبن فوق الكيك بس ما نرصو باليد منيح ع البراد ليبرد اختياري التزيين اما شوكولاته مبشوره او بسكوت لوتس مطحون

نوتيلا بيتي ( ميساء )

المكوّنات 

1 كوب حليب

5 ملاعق كبيرة كاكاو بودرة

1 كوب سكر

1/2 كوب زيت

الخطوات 

في وعاء يخفق الحليب مع السكر و الكاكاو جيدا

  

يضاف الزيت ملعقة ملعقة مع الخفق المستمر حتى يتجانس الخليط ويصبح قوامه كالمايونيز

  

يسكب شوكولاته النوتيلا في مرطبان ويوضع في الثلاجة لحين الاستخدام..

لاء نصف كوب

وفيكي لو بتحبي البندق طحني خشن وضيفي 

كمان لذيذ

تشيز كيك جالكسي ( عطاء )

🍫تشيز كيك بالجالاكسي🍫💕الطبقة الأولى🌸 كيك شوكولا عادي 

منقطعوا ومنرصه بقالب تشيز كيك 

واذا كان مو ماسك مع بعضه البعض منضيف شوي حليب مشان يمسك ومنرصه منيح بالقالب 

💕الطبقة التانية🌸 ثلاث ظروف كريمة _كاسة حليب 

منخغق الكريمة ومنضفلن_6 قطع كيري _نصف علبة حليب مكثف محلى _علبة قشطة 

💕الطبقة الثالثة🌸

علبة قشطة مع تنتين شوكولا جالكسي منذوبهون بالمايكرويف ومنضيفن بس لتبرد الطبقة التانية 

وللتزيين منبرش شوكولا  🍫

وألف صحة وهنا 🌸

جربوها 😉كتير لذيذة 🤗

كيك ( ضحى)

كيك سهل وبسيط 

كيك الفانيليا 

بنخفق بيضتان ملعقة صغيرة فانيليا مع أربع ملاعق طعام سكر حتى يصبح كريمي نضيف ست ملاعق طعام زيت ونفسهم حليب وملعقة طعام خل أبيض مع ٦ملاعق طعام طحين أبيض مع ملعقة طعام بكنك بودر طبعاً منخولين وبنحطها بقالب الكيك المبطن بورق الزبدة وعالداير رشة زيت وطحين ندخلها الفرن المحمى سابقاً على درجة حرارة ١٨٠تقريباًربع ساعة وبنختبر نضوجها وبنتركها تبرد 

بنفس القالب بنعمل كيك الكاكاو 

كيك الكاكاو 

بنخفق بيضتان مع ملعقة فانيليا مع خمس ملاعق طعام سكر وبس يصبح الخليط كريمي بنضيف ست ملاعق طعام حليب ونفسهم زيت نباتي وملعقة خل أبيض وبنضيف أربع ملاعق طعام طحين أبيض مع ملعقة طعام بكنك بودر مع ملعقتين طعام كاكاو وطبعاً منخولين بندخلهم الفرن مع مراعاة التعليمات السابقة 

بنعمل علبة كريمة بودرة ١٥٠غرام بنضيف لها نصف كوب حليب وبنخفقها حتى تتكاثف وبنحطها بالبراد

بيكون عنا الكيك جاهز وبارد 

بالسكين بنقيم الوجه وبنحط كل كيك بصحن الكلكلو والفانيليا من شان نستخدمهم للتزين 

وبنقسم الكيك وبنسقيه الكيك بالحليب وبنحط الكريمة ليخلصو الطبقات 

وبندهنو كلو بالكريمة من عالوجه وبنقسمو خطوط وهمية متل مو واضح بالصور وبنآخد فتافيت الكيك وبنزين فيها الاقسام المثلثات وعالداير بنخلط الفتافيت مع بعض الفانيليا والكاكاو وبنحطهم عالداير وبنحط القالب بالبراد تقريبا ساعتين حتى يبرد منيح وبعدين بنقسمو وصحتين وهنا

دونات مقلي ( منال )

الدونات 

كاسين طحين الكويتي 

ملعقتين خميرة فورية وربع ملعقة صغيرة كربولة وتلات ملاعق اكل سكر مع كاسين مي دافي

بنخلطهم مع بعض شي عشر دقائق

بعدين تلات كاسات طحين مع ملعقة سمنة وخمس ملاعق حليب بودرة ورشة فانيلا ونص كاس زيت ورشة ملح

وبنخلطهم وبنركهم شي نص ساعة

بعدين بقطعهم وبتركهم نص ساعة وبقليهم 

التزين حسب الرغبة 

كملت بالعجين الباقي جبنة ومرتديلا

طلعت كتيييير طيبة

كعك سمسم ( ضحى )

كعك 😋

نصف كوب زيت نباتي ونصف كوب سكر ونصف كوب حليب وملعقة كبيرة بكنغ بودر وكوبين ونصف طحين ورشة محلب ناعم ورشة شمرا إذا مو موجود مافي مشكلة أنا ضفت بس محلب مو موجود عندي شمرا 

وسمسم وحبة بركةللوجه وبيضة ورشة فانيليا لدهن الوجه 

الطريقة :

بنخفق الحليب والسكر والزيت منيح وبنضيف الطحين والبكنغ بودر وبنعجنهم منيح وبنشكلهم حسب الرغبة ونضعهم على صينية مبطنة بورقة الزبدة أو صينية مدهونة زيت وبندهن الوجه ب بيضة ورشة فانيليا وبنرش سمسم وحبة بركة حسب الرغبة 

وصحتين وهنا 🌺

تشيز كيك ( رؤى )

     

علبتين بسكوت سادة مع زبدة 

الكريمة : اربع ظروف دريم ويب مع نص كاسة حليب و٨ قطع كيري وعصرة ليمون  وعلبتين قشطة قيمر 

والطبقة الاخيرة بلو بيري 

وخليه بالبراد ليتماسك منيح اخر شي حطي البلو بيري بس وقت التقديم 🌹

وصحتين وهنا 💕💕

هريسة قطع

كيكة الشاموا ( منال )

                                الكيك الاسفنجي
                           وممكن اي كيك تعملي 

٥بيضات 

كاس سكر

فانيلا وخل للبيض

كاس وربع طحين

واذا الكيك بالشوكولا بدل الربع حطي بوردة الكاكاو

بنفصل البياض عن الصفار

بنحط بص كمية السكر على الصفار وبعد خفق البياض بنحط النص الثاني وبنخفق حتى تصير كريمة وبنخفق الصفار مع الخل والفانيلا وبرش الليمون والسكرحتى يصير لونه ابيض

وبنضيف الطحين مع ربع ملعقة كربولة وبنضيف البياض شوي شوي 

بندهن البايركس بالطحينة وبنصب المزيج وبالفرن حتى يستوي 

الطبقة الثانية 

٢بكيت كريم كراميل

علبة بسكويت شاي 

علبة قشطة

ملعقة نسكويك وشوية نسكافيه

بنخفق البسكويت والقشطة والنسكويك

على النار ٣كاسات حليب مع الكراميل حتى يغلي بنضيفهم على المزيج وبنخفق منيح 

اسكبي المزيج بالبايركس وحطي طبقة الكيك فوقه واستني شوي لجمد بعدين حطيه بالبراد

واقلبيه 

ممكن تدهني البايركس بصوص الكراميل قبل ماتحطي المزيج بيقلب بسرعة

وصحة وهنا

 الطبقة الثانية بتجمد بسرعة

حضريها وبسرعة صبيها

كيك الكريم كراميل ( فجر )

    

الصلصة

علبة قشطة 

ظرف كريم كراميل 

ظرف دريم ويب

كيكة الفريرو روشية ( ضحى )

كيكة فيريرو روشيه 

بنخفق بيضتان مع ملعقة فانيليا مع خمس ملاعق طعام سكر وبس يصبح الخليط كريمي بنضيف ست ملاعق طعام حليب ونفسهم زيت نباتي وملعقة كبيرة خل أبيض وبنضيف أربع ملاعق طعام طحين أبيض مع ملعقة طعام بكنك بودر مع ملعقتين طعام كاكاو وطبعاً منخولين نضعهم بقالب التشيز كيك بندهن الأطراف زيت نباتي لسهولة خروج الكيك بعد ما يستوي . بندخلهم الفرن المحمى مسبقاً على درجة حرارة ١٨٠تقريباً ربع ساعة وبيكون جاهز بعد ما نختبر النضوج بنعمل المقادير مرتين بيصير عنا أربع طبقات كيك 

الكيك لازم يكون دافي من شان ما يشقق معك ولو شقق ما بيأثر حاولي اضبيه على بعضو وكملي شغلك الكريمة والشوكولا بيخلوه يمسك على بعضو لا تآكلي هم 

بنجيب زبدية أو طشت مدور وبنحط بقلبها نايلون وبنحط طبقة كيك و فوقها كريمة وطبقة كيك وفوقها كريمة حتى يخلصو الطبقات وبنغلفها بالنايلون وبتركها بالبراد تقريباً خمس ساعات أو ليلة كاملة مابيأثر 

الشوكولا 

٣٠٠غ شوكولا أي نوع بتحبيه بتذوبيه على حمام ماء ساخن وبعدين بضيفي علبة قشطة اي نوع أو كريمة خفق السائلة وبضيفي بندق مبشور وبتحطي قالب الكيك على شبك وتحتو صينية وبتسكبي الشوكولا لازم تكون الشوكولا دافية ما تكون ساخنة وبعدين بنحطو على صحن التقديم وبنرش فوقو كمان بندق وعالداير حطيت كريمة 

الكريمة 

٣٠٠غ كريمة بودرة مع فنجان حليب بارد وملعقة صغيرة فانيليا مع ملعقتين كاكاو أو من الاساس بتكون كريمة بودرة على شوكولا وبنخفقها جيداً حتى تتكاثف ونضعها بالبراد حتى تبرد بنستخدمها

كيك الجلاكسي ( فجر )

بيتي فور ( ضحى )

بتيفور 

بيضتان و٢٥٠غ زبدة ونصف كوب زيت نباتي وكوب سكر ناعم وملعقة فانيليا صغيرة بتخفقيهم مع بعض وبضيفي أربع أكواب طحين منخول وملعقة صغيرة بكنك بودر بنعجنهم مع بعض بنآخد قسم  من العجينة وبنضيف عليه ملعقتين كاكاو وبنعجنهم والقسم الثاني بنضيف نصف كوب طحين وبنعجنهم وبنشكلهم حسب الرغبة وبنحطهم على صينية مبطنة بورقة الزبدة وبنشويهم على درجة حرارة ١٨٠تقريبا بدهم ربع ساعة بالفرن وصحتين وهنا

صوص الشوكولا ( نور )

 بتحطي قالبين جالكسي دارك وواحد جالكسي بالحليب وشوية حليب ....

بالميكرويف بتذوبهم .... وبتغطي السطح .... والباقي بتحطهم بالوسط 

والف صحة

 وممكن نعمل صوص شوكولا 

كاس حليب كاس سكر اقل من كاس زيت و٣ ملاعق كاكاو غامق هانتز ....بالابريق ....اخلطيهم ...واذا سميك ضيفي القليل من الحليب بحسب القوام الذي تريديه ... وصبيه على الكيك وهو ساخن 

والف صحة

كريم كرميل بالشعيرية الباكستانية ( رنا )

بنحمص شعيريه باكستانيه مع شويه زبدة 

وبعدين بنحط السكر المحروق وفوقه الشعيريه المحمصه وبنكون جهزنا الكريم الكراميل بنصبه فوقهن وعالبراد ليبرد ووقت التقديم بنقلبهن

وصحتين وهنا💋

تيرالشي التركية ( مقتبس )

حلا كرات الاوريو ( مقتبس )

بس تخلص عملية التشكيل 

حطيتهم بالفريزر 

و اول ما غطستهم بالشوكولا فوراً بتجمد

كيك الليمون ( رولا وسلمى )

بسبوسة جوز الهند

{{بسبوسة جوز هند }}...،،،*كاسة جوز هند.. *كاستين سميد ناعم *ربع كاسة زيت نباتي *نصف كاسة زبدة.. *نصف كاسة حليب بودرة *نصف كاسة لبن زبادي *تلات بيضات *تلات ارباع كاسة سكر *ملعقة بكنج بودر *ملعقة فانيليا *  ****. الطريقة *** يخفق البيض جيدا والفانيليا مع السكر حتى يصبح كريمي.// يخلط السميد مع الجوز هند والحليب البودرة والبكنج بودر //تذاب الزبدة وتوضع مع الزيت ولبن الزبادي فوق خليط السميد والجوز هند وتخلط جيدا حتى يتجانس. //ثم يوضع فوق خليط البيض والسكر ويخلط جيدا حتى يتماسك الخليط جيدا.. //تدهن صينية بالزبدة ويوضع الخليط ويدخل الفرن عا نار 180درجة.. وهو ساخن يوضع القطر ويرش الوجه بالجوز هند وتقدم.. //**

كيك الباونتي ( بشرى )

كيك الباونتي الطبقه الاولى كيك شوكولاته انا عندي بقايا كيك من قبل بيوم ضفتلو شويه حليب و شكلت الطبقه الاولى -  الطبقه التانيه كوبين حليب كوبين جوز هند نص كوب سكر فانيليا نص كُوب سميد ناعم الحبيبات ع النار حتى يتجانس و يثخن القوام و ننتظر حتى يبرد و يوضع فوق الطبقه الاولى و يمسد - الطبقه الاخيره باكيت كريم كرميل مع الكرميل المرافق كوبين حليب ملعقتين نشا  3ملاعق كبار كاكاو خام 3 ملاعق سكر ع النار حتى يغلي و يثخن و نوزعه فوق الطبقات  و يوضع ع الأقل بالبراد ست ساعات

كيك ( أم طارق )

٥ بيضات تخفق لمدة ١٠ دقيقة ثم نبشر ليمونة

نضيف ملعقة فانيليا ونضيف كأس ونص سكر ويخفق وربع كأس زيت  بعدها  نخفف درجة الخفق ونضع ٢ كأس طحين مع ٢ ملعقة  صغيرة  بكم بودر بالتدريج مع كأس حليب

حرارة الفرن ١٨٠ درجة

تشيز كيك ( أمل )

🍰 تشيز كيك 🍰

القاعدة:

٢٠ جبة بسكوت دايجستف

ثلث كوب زبدة دايبة

الطبقة الثانية:

نخفق ظرفين دريم ويب مع نصف كوب حليب حتى يصبح لها قوام الكريمة

نضيف ٢٤ حبة كيري

٢ م.ك لبن  و نخفق

نذيب ظرف جلو ليمون أصفر (ماركة فوستر كلاركس افضل شي.. جربت انواع تانية اللون و النكهة مو نفسها)

و نضيفه بالتدريج مع الخفق

لما تتجانس الكريمة صبيه فوق البسكوت و عالبراد

الوجه:

مثل ما بتحبي.. بالعادة بحط بلو بري.. مبارح جربت نوع تاني أحمر، بس البلو بري اطيب😉

ممكن مربى.. ممكن ظرف جلو احمر تعمليه بنص كوب ماء

و الف صحة و هنا

كيك الشوكولا ( ضحى )

كيك الشوكولا🍫🍫  مقادير الكيك : ٢بيض مع رشة فانيليا مع كوب وربع سكر بنخفقهم جيداً بالخفاقة الكهربائية أو الخلاط بنضيف فوقهم كوب ونصف حليب مع ربع كوب زيت نباتي مع ملعقتين خل أبيض وبنخفقهم وبنضيف كوبين وربع طحين منخول مع ملعقتين باكنغ باودر مع ملعقتين كاكاو أو حسب الرغبة وندخلو الفرن على درجة حرارة ١٨٠والوقت ٤٥دقيقة وبنشوف النضج وبنطلعو يبرد   تحضير الشوكولا   ٢٠٠غ شوكولا خام بنذوبها بحمام مائي وبس ذابة تماماً بنضيف نصف علبة قشطة وبنخلطها وبنضيف ربع كوب حليب سائل وبنحرك حتى نأخذ القوام المطلوب والزينة حسب الرغبة وصحتين وهنا