حلا التمر ..طحن علبتين بسكوت سادة وبعدين نخلطهن ب 100غ زبدة
بالخلاط كاسة تمر وكاسة حليب وعلبة قشطة وملعقة نسكافيه نخلطهم جيداً ونضعهم فوق البسكوت ونضعهم بالفرن خمس دقائق تقريبا ليتحمر الوجه ونتركها لتبرد ونضعها بالبراد ساعة
وصحة وهنا
الثلاثاء، 25 أبريل 2017
كرات الشوفان ( ولاء )
كرات الشوفان
كاسة شوفان وكاسة حليب بودرة ونحمصهن حتى يصبح لونهم ذهبي ونتركها لتبرد ونضع قطعة زبدة صغيرة وعلبة قشطة ونسلة حسب الرغبة ونص كاسة صغيرة حليب ونعجنهم ثم نضعها بالبراد ربع ساعة ثم نشكلها كرات
وصحة وهنا
ممكن نضيف شوكولا
كيك الليمون ( أم غيث )
٣ بيض
١كاسة سكر
نصف كاسة زيت
ربع كاسة حليب بدرجة حرارة الغرفة
عصير ليمونتين مع برشهم اي حوالي ربع كاسة عصير ليمون
كاسة وتلات ارباع طحين منخول
معلقة صغيرة بكنج باودر
معلقة فانيليا
معلقة صغيرة عسل
ربع معلقة كربونات الصوديوم تحل مع ملعقة صغيرة خل وعند فورانها توضع فوق الخليط
رشة ملح
يصب بالقالب ويدخل الفرن على درجة حرارة ١٨٠ لمدة ٤٠ دقيقة
صوص الليمون
كاسة سكر بودرة تخلط مع معلقتين حليب واربع ملاعق كبار عصير ليمون يخلط ويوضع على الكيك عالبارد
الاثنين، 24 أبريل 2017
حلا اللوتس ( سمية )
الطبقة الاولى بسكوت شاي مطحون مع زبدة
افرديه بالبايركس
الطبقة التانية
علبتين لبن زبادي صغار ، مع 7 فناجين (تبع القهوة السعودية) حليب بودرة ، مع فنجان سكر
بنخلطهن وبنحطهن عالبسكوت وبندخلهن عالفرن وبنشغله من فوق بس لتتماسك الطبقة وتنشف
بنتركها تبرد شوي بعدين بنجيب ثلاث ارباع علبة زبدة اللوتس وبندخلها عالمكرويف ثواني بس تدوب وبنحطها كطبقة تالتة
وبنحطها بالبراد
الأربعاء، 19 أبريل 2017
سلطة الفواكه مع العسل والقشطة
سلطة الفواكة.. بتقطعي الفواكة المتوفرة عندك وبتسقيها بعصير برتقال .. بعدين منعمل القشطة العربية كالتالي : لتر حليب كامل الدسم مع كاسة حليب بودرة منغليهن عالنار ومنضيف عليهم فنجان قهوة. خل ابيض .. بيفصل الحليب عنا لطبقتين .. مناخد الخثارة منصفيها منيح ومنرمي المي الصفرا .. بعدين منضيف نص علبة قشطة للخثارة ومنحطها على وجه السلطة ومنزين بالعسل والمكسرات والشوكولا
وربات قشطة
وربات بالقشطة : عجينة باف باستري بحشيها قشطة عربية وبخبرزها بالفرن وبعدين بشربها قطر و بزينها بالفستق الحلبي .. طريقة القشطة العربية
لتر حليب كامل الدسم مع كاسة حليب بودرة منغليهن عالنار ومنضيف عليهم فنجان قهوة. خل ابيض .. بيفصل الحليب عنا لطبقتين .. مناخد الخثارة منصفيها منيح ومنرمي المي الصفرا .. بعدين منضيف نص علبة قشطة للخثارة ومنحطها على وجه السلطة ومنزين بالعسل والمكسرات والشوكولا
كيك الزبدة ( فجر )
طريقة عمل كيكة الزبدة من فجر
المقادير :
١٢٥غرام زبدة
كوب سكر بودرة
٣بيضات
كوب حليب
كوبين طحين
٣ ملاعق صغيرة باكينج باودر
رشة فانيليا
الطريقة :
- يخفق السكر مع الزبدة حتى يصير قوامه كريمي .
- يضاف البيض و الفانيليا .
- يخلط الطحين مع الباكينج باودر .
- يضاف خليط الدقيق و الحليب بالتبادل حتى تنتهي الكمية..
- يدهن القالب بالزبدة و الطحين و يوضع فيه الخليط السابق ... و يخبز بفرن سبق احماؤه ، حوالي ٤٠-٤٥ دقيقة ...
صحة و عافية
كريب (غفران )
٢بيض
كاستين حليب
كاستين طحين
رشة ملح
نص ملعقة فانيلا
وملعقة زبدة
بحطهم بالخلاط كلهم سوا
جربي قدر فنجان قهوة اذا لقيتيها سميكة بعد الشوي حطي فنجان مي مع الخليط
تشيز كريم أوريو ( دانية )
تشيز كيك بالفرن
بسكوت 20 قطعة(استخدمت الأوريو) .... بحسب حجم الصينية وسماكة البسكوت
1/4 كوب سكر بني
100 جم زبدة
وضعتهم بالصينية وعلى الفرن لمدة 10 دقائق
جبنة كريمية( لك أن تستخدمي فيلادلفيا أو الكيري )
شوكولا سائلة(ذوبت جلكسي بحمام بخاري)
كاكو بودرة
1١/٤ كوب سكر
ملعقتين فانيليا
4 بيض
كوب كريمة سائلةنخفقه مع 1/4 كوب سكر بودرة
وعلى الفرن
للتزيين كوبين كريمة سائلة ساخنة وكوب شوكلت شيبس
وصحة وعافية
الثلاثاء، 18 أبريل 2017
معمول بالتمر ( عجوة )
كيلو طحين ( بطلعو ٧ كاسات حطيت كاسة من الكيلو طحين اسمر) .. كاسة سمنة وكاسة زيت .. بيضتين ..كاسة شاي حليب بودرة .. توابل كعك .. كاسة شاي سكر .. معلقتين باكنج باودر .. بخلط كل النواشف مع بعض وبعدين بحط الديمق وبفرك منيح كل المكونات وبتركن ست ساعات عالاقل ... بعدين بضيف البيض وكاسة مي وبعجن وبخلي العجينة ترتاح نص ساعة وبشتغل فيها
الحشوة تمر منزوع النواه بعجنة مع شوية زبدة او سمنة ورشة قرفة وربع معلقة صغيرة كربونات الصوديوم
الاثنين، 17 أبريل 2017
تارت الأوريو بالشوكولا
بتطحني بسكوت اوريو مع زبدة وبتكبسيه منيح بالقالب .. الطبقة التانية عبارة عن جناش الشوكولا وهو عبارة عن كريمة خفق بتسخنيها على النار لتغلي وبتطفي تحتا وبتحطي فوقا شوكولا خام مقطعة وبتحركيا منيح لتدوب ويصير عندك القوام سميك شوي بتصبيا فوق البسكويت وعالبراد لتبرد وزينيها بفريز ومربى قشر الليمون وصحة وعافية
السويس رول مع الكريمة والفواكه
سويسرول مقطع بصفه عالحواف بالصحن .. بقطع فواكة كيوي وفريز وبحط طبقة فوقن طبقة كريمة دريم ويب مخفوقة مع قشطة ونص مغلف جيلو فوقن الكيك طبقة تانية وبرجع بكمل طبقة فواكة وطبقة كريمة وبغلفه وبخليه بالبراد لتاني يوم وبقلبه .. وعالتقديم بعمل صلصة فريز وبزينه وصحتين وعافية
ممكن أيضا بدل الكريمة ... ايس كريم ... ويوضع في الفريزر ...ويقسم ويقدم بارد ( مثلجات )
كيك جوز الهند ( سلوى )
خمس بيضات وكاسة طحين وربع كاسة سمنة ونص كاسة سكر وخمس ملاعق خليب ناشف ملعقة فانيليا وملعقة بكم بودر ونص كاسة جوز هند نخلط المكونات وندهن القالب بملعقة طحينة ندخلها وسط الفرن الساخن مدة النضج نصف ساعة وبعدين زينتها بالسكر البودرة وخلطت علبة قشطة وملعقتين نوتيلا وصوص الشوكولا للزينة وصحتين
الخميس، 13 أبريل 2017
تارت الفواكه ( غيداء )
عجينة التارت
2 كوب دقيق
200 غرام زبدة
2/3 كوب سكر بودرة
رشة فانيليا
بيضة كبيرة
نخلط المكونات جميعا بالعجانة
قوالب التارت نفرد فيها العجينة ونقطعها على حسب القالب .... ثم نغرس شوكه في قاعدة القالب عدة مرات حتى لا تنتفخ وتنضج
طبعا العجينة نخبزها بالفرن ... تبدا اطرافها تصبح ذهبية يعني نضجت
الحشوة
كوب حليب مغلي
1/2 كوب حليب بارد
2 ملعقة نشاء
بيضة
فانيليا
4 ملاعق سكر
الطريقة
على النار كوب الحليب .... حتى يغلي
الحليب البارد في زبدية مع النشاء والبيضة يخفق جيدا
يصب الخليط فوق الحليب المغلي وهو على نار هادئة مع التحريك المستمر ..
سلطة فواكه مشكلة أو فواكه معلبة أو فواكه طازجه
( علبة الفواكه يجب وضعها في مصفاة حتى تجف قليلا )
ترص حبات التارت في وعاء
نضع الحشوة عليها وهي ساخنة
ترص حبات الفواكه فوق الحشوه الساخنة
تدهن بالجلو الشفاف حتى تحفظ الفواكه الطازجة
ألف صحة وهنا
الاشتراك في:
التعليقات (Atom)