آيس كريم اللوتس ( بنان )

آيس كريم اللوتس

جبنة فيلادلفيا ٢٠٠ غ

ملعقة فانيلا

علبة ونص قشطة

نص علبة حليب محلى مكثف

ظرف ونص دريب ويب(اختياري)

٥٠٠ ملم كريمة حلو

بعد ما بتخلطي المقادرير بتكسري علبة كاملة من بسكوت اللوتس وبتخلطيها مع الخليط

بتحطيها بقالب مستطيل و تضيفي عليها كراميل 

عند التقديم بتطالعيها من الفريزر 

وبتكوني مذوبة بالماكرويف زبدية مليانة من كريمة اللوتس

بتكتيها على وجه الايس كريم

أنا زينتها بالتوت😊

وصحتين وهنا

 بتجيبي قالب مستطيل جواته على طراف نايلون تبع التغليف

وبتكتي الخليط جواته 

بترشي الكراميل بعدين

وممكن اذا حبيت تحطي نص الخليط وترشي الكراميل ثم بتحطي باقي الخليط هيك بصير الكراميل بالنص

 وبتغطيه منيح وبتحطيه بالفريزر

 ولما بدك تقدميه بتطالعيه وبتقلبيه على صينية التقديم

وبتكتي سوس اللوتس عالوجه

سوكسيه ( رنا ) ( غيداء )

اسهل وصفة واطيبها ...ذوبي ٣جالكسي دارك ٣جالكسي بالحليب .....حطيهم بابريق الخلاط ...ضيفي ٣ملاعق كاكاو هنتز ....مع قليل من المكثف المحلى 

بطبق بسكوت مكسر ....وفيتق حلبي وجود مقطع ...واخلطيهم 

وبقالب التشيز كيك ...حطي طبقة نايلون ...وصبي الخليط فيها ....وعلى الفريز لحين التقديم 

قطعيها مربعات صغيرة 

او اختاري طريقة الصب التي ترغبين 

الف صحة

وصفة أخرى

علبه نستله وكاكاو اخلطيهم مع بعض وضيفيهم عالبسكوت ( علبتين ونصف ) واذا حابه مع جوز محمص وصحتين سريعه و خفيفه ونظيفه وما بدها شغل 

واهم شي طيبه🤗

السنونية ( غفران )

القمح بدو نقع من قبل بنهار

قمح مسلوق بينحطلوا سكروماء زهر وعل الوج جوز هند ولوز مقشر مفستق

 ويمكن يانسون

 في ناس بحطو قلوبات

 لوز وجوز وصنوبر

تيراميسو( فجر )

صحن فواكه بزينة جميلة

بعض الوصفات لحلويات سريعة ( سمية )

 ام علي

بعملها عالسريع انا وجوزي كتير بحبها

بقسم الصامولي لشرايح رفيعة وبحطهم بالسخان يتقمروا بعدين بحط حليب عالنار وسكر (خليه حلو زيادة) ليغلي بحطله قشطة 

حطي بالبايركس الصامولي وحطي عليها مكسرات وصبي الحليب

ورشي الوجه فستق مطحون

وحطيها بالفرن 5 دقايق

 وفي حلا اللبنية

بسكوت مطحون مع زبدة بالبايركس

واخلطي علبة لبن زبادي مع 3 فناجين صغار حليب بودرة وفنجان سكر

حطيهن عالبسكوت وبالفرن من فوق لينشف الوجه

وبعدين عالنار كاسة مي لتغلي حطي ظرف كراميل ليغلي غلوتين اطفيه وصبيه عالاكلة وبالبراد 

طبعا نحن دائما ما فينا نستناها تبرد وبناكلها سخنة 😅

 وفي اسرع حلا للمستعجل 😅

قسمي موزة وتفاحة وحطيهن بالزبدية وصبي عليهن حليب مكثف محلى 😋

وفي كمان

حطي فنجان صغير حليب بودرة مع كاكاو مع حليب مكثف حسب رغبتك بالحلاوة مع علبة قشطة واخلطيهن

وكسري عليهن بسكوت وكليها بالملعقة فورا

هذا شي عالسريع للكسالى 😁

عش البلبل حلو ( علياء )

عش البلبل الحلو 

عجينة الفطير المشلتت

بتحطي عليها لبنة تركية ( حلوة وليست حامضة) و فوقها جبنة موزريلا أو قشقوان

بتدخليها ع الفرن لتستوي 

بس تطالعيها بتحطي عليها عسل

مناسبة مع الفطائر على الفطور

وصحة وهنا 💐

لقيمات عوامة ( ميساء )

  لقيمات 

المقادير 

 ثلاث كاسات طحين عادي مابيصير الكويتي

رشة سكر ورشة ملح ومعلقه كببيرة خميرة

وبعدها ثلاث كاسات مي وخلطيهم

وبغطيها لتختمر

 تقريبا نصف ساعة

 تخمير

كيك الكوكيز بحشوة الجالكسي ( هبة + رؤى )

حلوى السينابون ( 2) ( ميساء )

حليب مرقد ( طوبى )

بتساوي رز بحليب عادي

2 لتر حليب يحتاج إلى نصف كوب رز والسكر حسب الرغبة بعد أن يغلي 

 بتسكبيه ببيركس او صينية تيفال وتركيه على نار هادية اربع خمس إلى 7 ساعات  لحتى يرقد

 ملاحظة : الرز مسلوق قبل أن نضيفه للحليب 

بيتي فور ( فايف )

هريسة نبكية ( بشرى )

الهريسه النبكيه  4كاسات سميد متوسط الخشونه- نضيف عليهم 2ملعقه كبيرة سمنه ممتازة نفركهن  ليصبح ملمسهن متل الرمل ثم نضيف عليهم كاستين  سكر و كاستين لبن و ملعقه بيكمبودر  ونص ملعقه كربونات الصوديوم و نفركهم ليصبح  المزيج كريمي و تترك لترتاح 4-5ساعات ثم ندهن صينيه فرن كبيرة بالسمنه و نضيف الهريسه وباليد نمسدها لتصبح متساويه  السماكه نضيف عليها الفستق او اي مكسرات تفضلي تدخل فرن حامي على درجه 200 من تحت بس حتى تزهر الحواف ثم نخرجها ونقطعها و تعود للفرن من فوق حتى تشقر  وتستوي  انا ضليت شاعله تحت شوي مع فوق بعدين طفيت   تحت وتركت  فوق وانا ماتطلع تسكب عليها  قطر حامي مزوب فيه ملعقتين سمنه تحتاج اي كاستين او تلاته قطر وتترك لتبرد و تقطع وبالعافيه

قشطة مغشوشة ( غيداء )

قشطة مغشوشة 

بتغلي الحليب على النار 

بتضيفي له عصرة ليمون او قليل من الخل أو قليل من حمض الليمون

بيفرط الحليب.....بتحطيه بقماش وبتصفيه ...

صار جاهز للاستخدام

او اخلطيه بملعقتين قشطة طازجة 

صحة وهنا

حلا الاولكر